Дали вештачката интелигенција во иднина ќе ни „бира“ парфеми

Обично ни е тешко да замислиме специфичен мирис на парфем, но кога би го помирисале, веднаш би се сетиле на одреден период од животот, на некој близок, на некоја ситуација или ќе дојде до неочекуван наплив на емоции. Фасцинантниот свет на парфеми сега се подигнува на ново ниво, бидејќи многу производители одлучија да применат вештачка интелигенција во процесот на создавање совршен мирис. Дали вештачката интелигенција може да ја замени „работата“ на човечкиот нос?

Изработката на парфем е занает кој се развива уште од времето на древниот Египет, а како и многу други индустрии и денес вештачката интелигенција постепено се вклучува во процесот на производство. Парфемите често можат да предизвикаат емотивни, позитивни реакции (смиреност, еуфорија, релаксација) благодарение на невроцентите , односно мирисите за кои е научно тестирано и заклучено дека ги предизвикуваат посакуваните реакции кај луѓето.

Научниците почнаа да ја мапираат активноста на мозокот како одговор на одредени парфеми, со цел да најдат добра невросцентна основа и да ја користат во производите. „Со видот и слухот, лесно можете да го замислите лицето на саканата личност или омилената мелодија, но тешко е да се замисли мирис, иако може да предизвика поплава од емоции и спомени“, Хуго Фереира, истражувач на Институтот за биофизика. и биомедицинско инженерство во Лисабон.

„Мирисот е најразновидно сетило со многу различни рецептори, се проценува дека има околу 400 различни фамилии на генски рецептори за мирис“, објаснува Фереира.

Користење на технологија во создавање на мириси

Досега, многу популарни козметички брендови инвестирале во истражување на невросценти и технологии кои се користат во невронауката , бидејќи можностите за создавање мириси кои докажано се поврзуваат со потрошувачите се многу големи. На пример, клиентите во одредени продавници на Ив Сен Лоран ширум светот користеле специјални слушалки, кои биле поврзани со електроенцефалограм (ЕЕГ) и регистрирале одредена мозочна активност за да откријат кои мириси најмногу ги сакаат. Според тврдењата на овој бренд, дури деведесет и пет проценти  од купувачите на овој начин пронашле парфем за себе.

Шпанскиот бренд за парфеми „Puig“ наведува дека било неопходно да се прочитаат дури четириесет и пет милиони снимки од мозочната активност на мажите на возраст меѓу осумнаесет и триесет и пет години за да се создаде колонска вода „Phantom“ од „Paco Rabanne“.  Резултатите од истражувањето покажаа дека додавањето на лаванда и лимон во оригиналната формула ги носи најдобрите резултати.

Споменатите технологии можат да се користат на големите пазари, но многу брендови, кои произведуваат персонализирани мириси, веруваат дека барањето парфем треба да биде интимно искуство и дека човечкото сетило за мирис не може да се замени со технологии. Во исто време, исти состојки со децении може да се најдат во различни парфеми, па сигурно е дека барем засега купувачите сè уште најмногу диктираат кога станува збор за производството на мириси. Технологијата може да помогне во понатамошниот развој на индустријата, но сè уште не е можно да се процени дали таа ќе стане одлучувачка.