Дали експериментирате во кревет? Еден потег може да има сериозни последици

Експериментирањето во кревет е многу пожелно, но еден потег нормализиран од порнографијата може да предизвика сериозни последици, предупредуваат експертите.

Станува збор за задушување за време на секс. Опасноста постои без оглед на тоа колку нежни паровите мислат дека се во тој момент, според истражување објавено во „Архива на сексуално однесување“.

„Нема начин да се изврши давење без ризик. Иако смртните случаи од консензуално давење се ретки, сепак се случуваат“, вели д-р Деби Хербеник од Универзитетот во Индијана.

Експертите објаснуваат дека вратот е исклучително чувствителен и дека ограничувањето на протокот на крв во мозокот, без разлика колку краткотрајно е, може да предизвика трајно оштетување.

Непосредните ефекти од задушување за време на секс вклучуваат модринки, оток на вратот, заматен вид, вртоглавица и тешкотии при голтање. Луѓето можат да ја изгубат свеста поради артериски притисок за само четири секунди, што укажува на лесна повреда на мозокот.

Иако губењето на свеста може да се случи во рок од неколку секунди, смртта или парализата може да се појават во рок од неколку минути по давењето. Други последици може да не се појават сè до денови, недели или дури и години подоцна. Тие можат да се манифестираат како промени во гласот, напади, проблеми со меморијата и концентрацијата, депресија, анксиозност и спонтан абортус.

„Ризиците поврзани со повреда на мозокот се зголемуваат со секое следно давење. Значи, тоа е малку како повреда на главата, бидејќи повредите можат да се акумулираат. Спонтан абортус исто така може да биде резултат на давење и може да се случи неколку недели или месеци подоцна. Давењето може да доведе до мозочен удар. Исто така, може да има постепено опаѓање на меморијата“, вели коавторката на студијата Хедер Даглас.