Дали е ова можно? Карлос Алкараз побарал 800.000 долари само за да се појави на турнирот во Виена

Моментално најдобриот млад тенисер од плејадата на новата генерација Карлос Алкараз поради повреда се повлече од турнирот во Базел следната недела, а од Австрија стигнуваат шокантни вести од организаторите на турнирот во Виена.

Имено, како што пишува таму ,,Дер Стандард”, Карлитос побарал неверојатни 800.000 долари само за да се појави и да учествува на турнирот!

Секако, организаторите веднаш го одбија ова лудо барање на шпанскиот тенисер, кој потоа се реши за Базел, но отпадна и од неговиот список поради споменатата повреда.

Овие два турнира обично се играат во текот на следната недела.

Бидејќи наградниот фонд за турнирот во Виена е 2.400.000 долари, а победникот ќе добие 450.000 долари, не е чудно што организаторите решиле да го „отпишат“ Алкараз, кој за учество би требало да плати речиси двојно поголема сума од онаа што ќе се додели на победникот..

Вистина е дека младиот Карлитос сега е магнет за публиката, но и јасно е дека турнирот не би можел ништо да заработи доколку навистина даде толку многу за да донесе само еден тенисер.