Дали е потребно за вашето здравје да правите 10.000 чекори дневно?

Целта од 10.000 чекори дневно станува сè попопуларна, а според ново истражување, дури и помал број чекори на дневна основа може да донесе големи здравствени придобивки.

Имено, научниците откриле дека често користената цел не е неопходен стандард, бидејќи стапката на смртност е поголема кај луѓето кои прават повеќе од 7.000 чекори отколку кај оние кои прават само околу 2.000 чекори.

Бројката од 10.000 што ја лансираше јапонската компанија Јамаса за продажба на педометри за време на Олимписките игри во Токио во 1964 година доведе до популарна желба за физичка активност.

„Брендот педометар дефинитивно е пласиран на пазарот. Мислам дека има големи придобивки, 10.000 е убав заокружен број, па затоа е соодветен за поставување цели, и покрај тоа што не е базиран на докази“, тврди водечкиот автор Динг .

Истражувачите анализирале податоци од повеќе од 160.000 возрасни лица за да откријат како ризиците од сериозни здравствени проблеми се менуваат според бројот на чекори што се преземаат дневно. Ова истражување се темели на десетици претходни студии и претставува значаен поглед на влијанието на целите за движење, вклучувајќи ја и целта од 10.000 чекори.

Вкупната смртност кај луѓето кои правеле 7.000 чекори дневно била за 47 проценти помала во споредба со оние кои правеле само 2.000. Ризиците за оние кои правеле 7.000 чекори се намалиле за здравствени проблеми, вклучувајќи смрт од кардиоваскуларни заболувања и рак, како и за појава на дијабетес тип 2 и деменција. Истражувачот Динг истакнал дека 10.000 чекори сè уште се поврзани со подобри исходи од 7.000 чекори за одредени здравствени состојби, како што е намалување од 14 проценти на ризикот од депресивни симптоми.

„Не им препорачувам на оние кои веќе прават 10.000 чекори дневно да се вратат на 7.000. Сепак, по околу 7.000 чекори, дополнителното подобрување на здравјето за секои дополнителни 1.000 чекори почнува да се намалува, па затоа „повратот на инвестицијата“ е помал“, рече Динг.

Тој понатаму тврди дека за да се намали ризикот од одредени болести, се препорачува да се стремиме кон 5.000 до 7.000 чекори дневно, што за многу луѓе ќе биде полесно остварливо од целта од 10.000 чекори што постои со години.

Студијата, исто така, откри дека луѓето кои оделе околу 12.000 чекори дневно имале 55 проценти помала стапка на смртност од оние кои оделе 2.000 чекори. Истражувачите велат дека студијата покажува дека одредена цел не треба да биде премногу амбициозна.

„Општо земено, повеќе е секогаш подобро, но луѓето не треба да се фокусираат само на бројките, особено во оние денови кога активноста е ограничена. Ова значи дека 10.000 чекори дневно не е единствената цел и бројка кон која треба да се стремиме“, рече истражувачот.