Дали имате слабо или силно срце? Докторот открива како да проверите – еве што треба да направите

Кардиоваскуларниот хирург Џереми Лондон објави видео во кое наведува на кои предупредувачки знаци треба да внимавате кога е во прашање здравјето на срцето.

Во своето видео, д-р Џереми Лондон објасни како некој може да каже дали има слабо или силно срце.

@drjeremylondon Weak vs. Strong Heart #doctor #surgeon #hearthealth #heartsurgery #fypシ ♬ original sound – Dr. Jeremy London, MD

Еве на што треба да внимавате:

Скратен здив

Д-р Лондон рече дека отежнато дишење при одење може да биде знак дека вашето срце е слабо.

– Вообичаените срцеви состојби кои можат да се лекуваат, како што се коронарна срцева болест (причина за срцев удар), срцева слабост и абнормален срцев ритам како атријална фибрилација може да предизвикаат отежнато дишење – рече тој.

Да лежите право и да дишете правилно

Друг начин на кој можете да ја проверите вашата состојба е да видите дали можете да лежите рамно и да дишете нормално.

Ако не можете, тогаш тоа може да биде знак за ортопнеја. Тоа значи дека имате недостаток на воздух кога лежите, но не и кога седите или стоите. Ортопнеата покажува дека имате вишок течност во белите дробови и обично е предизвикана од срцеви заболувања.

Отечени нозе

Отечените глуждови и нозе може да се класифицираат како симптоми на срцева слабост. Кога вашето срце е слабо и не работи добро, крвта се враќа во вените на нозете.

Ова во основа предизвикува акумулација на течност во вашите ткива и предизвикува оток на нозете и стомакот, пренесува Ladbible.

За да ви биде здраво срцето, заедно со редовната физичка активност, треба да се грижите и за здрава исхрана и редовно да консумирате одредена храна.