Дали Меланија и Доналд Трамп се разведуваат? „Таа не може да го поднесе“, велат извори, официјалните документи само чекаат
Откако Доналд Трамп го започна својот втор мандат во Белата куќа на почетокот на 2025 година, Меланија Трамп не се појавуваше на јавни настани толку многу како што беше навикната за време на претходната администрација на Трамп. Нејзиното последно појавување, рамо до рамо со нејзиниот сопруг на воена парада одржана во саботата, беше едно од ретките во последните месеци.
И додека некои шпекулираат дека станува збор за природно повлекување, контроверзниот новинар и биограф Мајкл Волф, кој со години пишува за Трамп, има поинакво мислење.
„Таа не може да го поднесе“
Во разговор за емисијата „60 минути“ на Австралија, Волф рече дека директно прашал лице блиско до двојката што навистина се случува меѓу Доналд и Меланија. Одговорот бил брутално искрен:
„Во еден момент прашав некого многу близок до нив: „Што се случува?“ Тој некој ме погледна како да сум тотален идиот и рече: „Таа не може да го поднесе.““
Одделни животи во брак
Волф не верува во јавниот имиџ на „функционален брак“ што Трампови се обидуваат да го одржат:
„Тие се двајца луѓе кои живеат одвоени животи. Сè е одвоено. Тие не се заедно.“
Според достапните извештаи, Меланија поминала помалку од четири недели во Белата куќа за време на вториот мандат на Трамп . Наместо тоа, како што пишува „Радар“, таа „исчезнува од јавноста со недели, повлекувајќи се во Трамповата кула на Менхетен или на имот во Флорида“.
Долга историја на незадоволство
Мајкл Волф не се осврнува само на моменталната состојба. Тој наведува и бројни причини што би можеле да го објаснат повлекувањето на Меланија :
„Освен фактот дека има долга историја на врски со други жени, порно ѕвезди и слично, и едноставно не е добар маж, не слуша никого – се сомневам дека дури и би ја послушал сопругата… Дали треба да продолжам?“
Видливо отсуство на првата дама
И покрај протоколарните обврски, Меланија се појави само на неколку јавни настани од почетокот на годината: таа се изјасни против онлајн насилството во март, присуствуваше на велигденскиот натпревар во тркалање јајца во Белата куќа и на погребот на папата Франциск во април.
Историчарката и експертка за први дами, Кетрин Џелисон, истакнува:
„Не сме имале прва дама со толку низок профил уште од Бес Труман, а тоа беше пред речиси 80 години.“
Еден брак, две вистини Меланија и Доналд Трамп се венчаа во 2005 година, а таа стана натурализиран американски државјанин следната година, станувајќи само втората прва дама родена надвор од САД.
Сепак, некои експерти не се убедени дека тие двајца всушност се разделиле. Анита Мекбрајд, експерт за историјата и улогата на американските први дами, не е возбудена од сите шпекулации за развод:
„Мислам дека тоа е брак што им одговара. Можеби не е твојата или мојата дефиниција за среќен брак, но е нивна.“
„Без разлика дали таа е во Њујорк, а тој во Вашингтон или обратно, нивниот живот функционира добро. Затоа мислам дека секој разговор за нивна несреќност или разделба е само губење зборови. Навистина мислам.“
Пар во магла
Иако сè уште официјално ја претставуваат претседателската двојка, Доналд и Меланија Трамп повеќе личат на два паралелни света отколку на еден единствен ентитет. Додека еден дел од јавноста верува дека зад затворени врати се спроведува тивок, но конечен развод, другиот инсистира дека тоа е специфична динамика што функционира само со код што им е познат.
Едно е сигурно, почестото и подолго отсуство на Меланија од јавноста отвора повеќе прашања отколку што нуди одговори.
