Дали најновите фотографии на Бритни Спирс ја покажаа нејзината вистинска состојба? Тажните сцени ги загрижија сите

Бритни Спирс беше фотографирана како вози во близина на нејзиниот дом во Лос Анџелес, по тврдењата дека нејзиното семејство и пријателите се обиделе да направат интервенција поради нејзиното проблематично однесување и стравувањата дека може да умре.

Последните папарацо фотографии на 41-годишната пејачка ги загрижија сите, ја покажаа со тажен израз на лицето и несредена коса, додека таа ги криеше очите зад очилата за сонце.

По тврдењата за семејна интервенција, самата Бритни се огласи на својот Инстаграм профил и ги демантираше, притоа откривајќи дека го земала лекот Прозак за депресија.

“Не умрев луѓе. Јас сум тука. Жива сум. Жива сум и здрава”, вели таа во видеото во кое танцува.

Сепак, извори блиски до неа ексклузивно за Дејли Меил изјавија дека таа предизвикува сериозна загриженост.

„Сите се загрижени за неа бидејќи е многу депресивна“, рекол извор близок на пејачката, додавајќи дека поранешната ѕвезда се претворила во интроверт и дека нејзината депресија делумно има врска од нејзиниот однос со нејзините синови, 17-годишниот Шон Престон и 16-годишниот Џејден Џејмс, кој ги има добиено со нејзиниот поранешен сопруг Кевин Федерлајн. Тој пак, одбива да ја види.

Не е тешко да се заклучи дека нејзината состојба е лоша, кога ќе ги погледнете социјалните мрежи и нејзиното однесување во последно време. Нејзините обожаватели се загрижени и за нејзиното здравје и живот, а пејачката долго време се бори со опијати и ментално здравје откако водела долга судска битка со нејзиниот татко.