Дали некој обрнува внимание на овој извештај од Microsoft – вештачката интелигенција разви застрашувачка способност, Кинезите во шок !?
Тим од истражувачи на компанијата Microsoft објави извештај од 155 страници во кој тврдат дека ChatGPT-4 (вештачка интелегенција) почнува да размислува како човек. Извештајот објавен во списанието Nature Journal покажа дека ChatGPT-4 успешно извршил серија задачи за кои е потребно човечко ниво на размислување, објавува Gizchina, еден од највлијателните кинески технолошки медиуми со милиони читатели ширум светот.
Истражувачите биле особено импресионирани од генерирањето текст што не се разликувал од текст напишан од човек. Во еден од експериментите, истражувачите побарале од ChatGPT-4 да напише кратка приказна за робот кој се заљубува во човек. Приказната што ја создал ChatGPT-4 била толку добро напишана што истражувачите не можеле да потврдат дека е напишана од вештачка интелигенција.
Способноста на ChatGPT-4 да размислува како човек е значајна пресвртница во развојот на вештачката интелигенција, поради што истражувачите веруваат дека способностите на вештачката интелигенција ќе се користат за развој на нови апликации во области како што се здравството, образованието или услугите на клиентите.
Од друга страна, истражувачите предупредуваат дека можностите на ChatGPT-4 може да се користат за злонамерни цели, како што е генерирање на написи за лажни вести. Ова е причината зошто тие повикуваат на внимателно регулирање на технологиите за вештачка интелигенција за да се осигура дека тие се користат за добро, а не за штета.
Реакциите на извештајот се поделени, додека некои ги фалат истражувачите за нивната работа, други се загрижени. Во минатото, луѓето извршувале различни задачи за кои сега може да се користи вештачката интелигенција, како што се услуги на клиентите, внесување податоци или медицинска дијагностика.
Додека програмерите често ги ограничуваат способностите за вештачка интелигенција на задачи што се лесни за програмирање, способноста на ChatGPT-4 да размислува како човек сугерира дека вештачката интелигенција може да извршува посложени задачи кои бараат разбирање на човечко ниво, како што се пишување креативна содржина, донесување одлуки и решавање проблеми.
Ако вештачката интелигенција е способна да размислува како човек, може да носи и одлуки кои се штетни за луѓето. На пример, вештачката интелигенција може да се користи за развој на автономно оружје што може да убива без човечка интервенција. Важно е да се запамети дека вештачката интелигенција е алатка која, како и секоја друга алатка, може да се користи за добро или зло.
„Потребно е да се развијат етички насоки за развој и употреба на вештачката интелигенција, како и да се едуцира јавноста за потенцијалните опасности од вештачката интелигенција за да биде свесна за ризиците“, пишува Gizchina.
