Дали сте подготвени за селфи од вселената?
Фотографиите со планетата Земја ќе бидат персонализирани, а корисниците ќе бидат информирани за точното време на снимање.
Неверојатен спој на технологија и забава доаѓа од поранешниот инженер на НАСА и познат Јутјубер Марк Робер. Имено, тој планира да им овозможи на луѓето да прават селфи со планетата Земја користејќи сателит кој планира да го лансира во орбитата во соработка со компаниите Google и T-Mobile.
Како што објави The Verge, сателитот ќе може да ги фотографира портретите прикажани на Google Pixel, додека Земјата ќе биде во позадина. Роберт ветува дека фотографиите ќе бидат персонализирани, што значи дека корисниците ќе можат да ја споделат нивната локација, така што сателитот ќе направи селфи веднаш над нивниот град. Покрај тоа, Робер дури ќе ги информира корисниците за точното време на снимањето, што значи дека теоретски ќе можат да „фатат“ иста фотографија двапати, во живо и на екранот на Pixel.
Роберт објасни како работи сателитот на својот канал на YouTube. Тој рече дека целиот систем се потпира на две камери на Google Pixel поставени на двете страни на сателитот, а енергијата се црпи од голем соларен панел што полни батерија од 120 Wh. Посебен предизвик е ориентацијата на сателитот, кој треба да ја смени својата позиција за три различни функции – собирање сончева енергија, правење селфи и испраќање податоци. Дополнително, тимот на Робер постави внатрешен замаец кој овозможува да се контролира позицијата на сателитот.
Иако Роберт и Т-Мобиле велат дека секој заинтересиран може да учествува бесплатно, тоа всушност не е така. За да го добиете кодот за користење за селфи, потребна е претплата на CrunchLabs, платформа која нуди образовни инженерски комплети за деца. Претплатите се движат помеѓу 25 и 80 долари годишно, во зависност од пакетот. За оние кои се корисници на T-Mobile или имаат Pixel, учеството ќе биде бесплатно.
Планирано е сателитот да биде лансиран во јануари 2025 година преку мисијата „Транспортер 12“ на SpaceX, додека неколку месеци подоцна ќе започнат селфи.
