„Да имаше војна“ – 34 отсто од граѓаните би се бореле за РМВ, 51 отсто не

Според истражувањето на „ Галуп интернационал “, денес помалку луѓе во светот се подготвени да се борат за својата земја, во споредба со пред една деценија.

„Ако има војна во која би била вклучена вашата земја, дали би се бореле за својата земја“. 34 отсто од испитаниците во Северна Македонија одговориле со „да“ на ова прашање, 51 отсто одговориле со „не“, додека 15 отсто одговориле со „не знам“.

Истражувањето е спроведено во 45 земји во светот, додека телефонски, онлајн и физички биле интервјуирани вкупно 46.138 лица, во периодот од октомври до декември 2023 година.

Во Р.М.В., во периодот од 1 до 21 декември 2023 година, физички биле интервјуирани 1.202 полнолетни граѓани.

Северна Македонија не е далеку од просекот на европските земји по ова прашање. Процентот на оние кои би се бореле за својата земја во земјите на ЕУ е 32 отсто, додека оние кои не би се бореле е 47 отсто, додека 21 отсто не одговориле.

Додека во Албанија и Косово процентот на оние кои се подготвени да се борат е многу поголем. Во Албанија 60 отсто од испитаниците одговориле дека ќе се борат, додека на Косово 79 отсто, каде само 14 отсто од испитаниците одговориле со „не“.

Резултатите во Србија се слични на оние во РМВ. Таму 36 отсто од испитаниците одговориле дека ќе се борат за својата земја, додека 50 отсто одговориле со „не“. Во Босна и Херцеговина 40 отсто одговориле со „да“, додека 42 отсто со „не“.

Ерменија (96 проценти одговориле со „да“), Саудиска Арабија (94 проценти рекле „да“), Азербејџан (88 проценти), Пакистан (86 проценти) и Грузија (83 проценти) го зазеле првото место во ова истражување.

Додека први со „не“ одговорија Италија (78 отсто), Австрија (62 отсто, Германија (57 отсто), Нигерија (54 отсто) и Шпанија (53 отсто).