Два симптоми на болест која се смета за тивок убиец

Тивка, но смртоносна состојба која може да демне неоткриена со години, може да нè изложи на поголем ризик од срцев или мозочен удар. Според податоците на Светската здравствена организација (СЗО) од 2021 година, се проценува дека околу 1,28 милијарди возрасни луѓе на возраст меѓу 30 и 79 години во светот ја имаат оваа состојба, а тоа е хипертензија.

Високиот крвен притисок или хипертензијата е состојба која го тера нашето срце да пумпа потешко да циркулира крв низ телото. Дополнителниот напор не само што го оптоварува срцето, туку и другите витални органи и крвни садови, што потенцијално доведува до сериозни здравствени проблеми како што се кардиоваскуларни болести, бубрежни заболувања, мозочен удар, срцева слабост и срцев удар.

Често, високиот крвен притисок не станува очигледен додека не предизвика голема здравствена криза. Се проценува дека половина од луѓето со хипертензија или не се свесни за својата состојба или не се лекуваат, пишува Дејли експрес.

Поради овој недостаток на симптоми, високиот крвен притисок го доби прекарот „тивок убиец“. Сепак, постојат некои знаци на кои треба да внимавате.

Ако нашиот крвен притисок е 180/120 или повисок, може да почнеме да забележуваме симптоми

Светската здравствена организација забележува дека симптомите може да се појават само кога крвниот притисок ќе достигне екстремно високи нивоа.

,,Повеќето луѓе со хипертензија немаат никакви симптоми. Проверката на крвниот притисок е најдобриот начин да откриете дали имате висок крвен притисок“, според СЗО.

Ако нашиот крвен притисок е 180/120 или повисок, може да почнеме да забележуваме симптоми. Во градите може да се појават два главни симптоми: болка во градите и абнормален срцев ритам.

Сепак, СЗО наведува други потенцијални знаци, како што се:

• Главоболки;
• Вртоглавица;
• Тешкотии со дишењето;
• Гадење;
• Повраќање;
• Заматен вид;
• Анксиозност;
• Тинитус;
• Крварење од носот.