Две причини поради кои убијците не кажуваат каде е телото на Данка Илиќ! Го признале делото, но ја кријат локацијата: Две теории кои ја заледуваат крвта во вените (фото)
Полицијата со денови се обидуваше да добие информации каде се наоѓа телото на девојчето од осомничените за убиството на Данка Илиќ. Осомничениот за делото Дејан Драгијевиќ призна дека го убил девојчето, а ги обвини братот Далибор и таткото Раде дека му помогнале да го сокрие телото. За тоа време другиот осомничен Срѓан Јанковиќ молчи и не сака да зборува за неговата улога во невиденото злосторство.
Природата на злосторството е многу грозоморна?
Зошто кријат каде е телото на Данка Илиќ? За ова има две причини – првата е затоа што постои можност природата на делото да е многу грозоморна и дека осомничените стравуваат дека наоѓањето на телото дополнително ќе им ја искомплицира ситуацијата во постапката против нив за тешкото убиство на Данка Илиќ. .
– Од почетокот, една насока ја базиравме на осомничените, има уште милион информации што сè уште не сме ги презентирале. Не може да ce дојде до совозачот (бидејќи молчи), да каже каде го преместил телото од отпадот. Нашата последна верзија е дека тој направил нешто грозоморно со тоа тело – изјави претходно шефот на УКП Нинослав Чмолиќ .
Се надеваат дека ќе бидат спасени од затвор
Друга причина поради која осомничените не сакаат да откријат каде е телото на Данка Илиќ е тоа што се надеваат дека некако би можеле да се извлечат и да се спасат од доживотен затвор доколку телото на девојчето не се најде.
Но, тоа не може да ги спаси од доживотен затвор. Како што објасни адвокатот Предраг Савиќ, доколку телото на Данка Илиќ не се најде, можно е да се гонат осомничените за нејзиното убиство врз основа на досега собраните докази.
-Тука се признанијата на сторителите, нивните прикривачи кои се од потесното семејство, имаме многу други докази во однос на настанувањето на сообраќајната несреќа, крв на автомобилот, асфалтот… Можно е да се изврши едноставна или 3Д реконструкција на начинот на сообраќајната несреќа, од која ќе се види дека била таква што не можела да произведе фатални последици бидејќи била брзина од 20 километри. Врз основа на сите тие докази, голема е веројатноста Данка Илиќ да е убиена на начин како што признал еден од обвинетите – изјави тој.
Савиќ напоменува дека би било добро во кривичната постапка да се пронајде телото, да се изврши обдукција, да се изврши судско-медицински преглед и научно да се докаже причинско-последичната врска помеѓу повредите и смртта.
