Девојката на Том Круз, која е 26 години помлада, за прв пат проговори за нивната врска: Се шпекулира дека сектата ја регрутирала да му биде нова сопруга (фото)
Врската помеѓу Ана де Армас (37) и Том Круз (62) не е изненадување за многумина бидејќи кубанско-шпанската актерка има навика да флертува со постари, повлијателни мажи, додека американскиот актер во последните години започнува врски со многу помлади жени. Можеби не е изненадување, но секако е контроверзно, најмногу поради неговото минато и врските со Црквата на Саентологијата. Шармантната бринета не коментираше за таа врска, сè досега.
Ана де Армас денес беше гостинка во емисијата „Добро утро Америка“, додека Том Круз е на другата страна од светот, на фестивалот во Кан, каде што го промовира продолжението на „Невозможна мисија“.
Познатите актери не потврдија дека се во врска, но откако се појавија заедно на забавата по повод 50-тиот роденден на Дејвид Бекам претходно овој месец во Лондон, стана очигледно дека се повеќе од колеги и пријатели.
Оваа врска на Том Круз, како и неговите претходни бракови, не поминува без да се спомене Црквата на Саентологијата на која тој припаѓа и на која е истакнат член.
Се шпекулира дека Црквата на Саентологијата ја избрала Ана де Армас за нова, четврта сопруга на Том Круз и дека планираат да имаат деца, но циркулираат и други приказни дека Саентолозите би можеле дури и да ја попречат таа романса.
Том Круз им се придружи на саентолозите откако се ожени со Мими Роџерс, која го иницираше тоа. Тие се разведоа затоа што Црквата на Саентологијата одлучи дека
Никол Кидман е подобар избор за него, тврдат поранешни членови.
Никол Кидман го прекина бракот со Круз затоа што не сакаше да се приклучи на таа организација, додека неговата трета сопруга, Кејти Холмс, со која ја има ќерката Сури Ноел, преживеа пекол поради таа секта.
По разводот на Круз од Кидман, почнаа да кружат приказни дека високи членови на Црквата на Саентологијата организирале „аудиции“ за да му најдат нова сопруга на Том. Во книгата „Going Clear“ од Лоренс Рајт се наведува дека Џесика Алба, Скарлет Јохансон и Линдзи Лохан биле меѓу потенцијалните кандидатки. Актерката Анет Јохансен тврдеше дека била испрашувана за нејзиниот сексуален живот за време на процесот. Црквата на Скиентологијата го негираше сето тоа. Но сега се сомнева дека Ана била изложена на таква селекција.
„Дефинитивно работиме на многу. Не само на еден, туку на неколку проекти со Даг Лиман, Кристофер Меквари и, секако, Том. И многу сум возбудена“, рече Ана де Амрас, која го промовира филмот „Од светот на Џон Вик: Балерина“.
Водителот претходно ја праша за соработката со каскадерка, па таа го спомена Том Круз.
