ДЕНЕС Е ОДЛУЧУВАЧКИ СОСТАНОК! Еве што Трамп ќе му понуди на Путин за да се стави крај на војната во Украина

Американскиот претседател Доналд Трамп денес ќе се сретне со рускиот лидер Владимир Путин  во Анкориџ, Алјаска, во 11 часот по локално време, објави лондонски „Телеграф“.

Според весникот, Трамп ќе му понуди на Путин низа економски стимулации за да го мотивира да ја прекине војната во Украина. Меѓу предлозите се давање пристап на Русија до ретки минерали, вклучувајќи ги и ресурсите на териториите на Украина што моментално ги контролира Русија, како и отворање на природните ресурси на Алјаска за Москва. Покрај тоа, Трамп планира да размисли за укинување на одредени санкции на САД врз руската авијациска индустрија.

Американскиот секретар за финансии Скот Бесант и други претставници на администрацијата му даваат на Трамп совети и анализи за економски компромиси што би можеле да го забрзаат договорот за прекин на огнот.

Трамп претходно денес изјави дека Путин ќе се соочи со „тешки последици“ ако не се согласи да ја прекине војната во Украина, но се очекува денешните разговори да се фокусираат на комбинација од притисок и економски понуди за постигнување мир.