ДЕНЕС СЕ СЛАВИ ПЕТРОВДЕН – Според традиционалните верувања, една работа никако не смеете да ја направите денес!
Верниците и МПЦ-ОА денес го слават Денот на светите апостоли Петар и Павле. Овој празник кај народот е познат и како Петровден.
Свети Петар, првиот римски епископ, бил апостол, Христов ученик, за кого се верува дека Исус Христос му ги дал клучевите на небесното царство. Христијанското учење вели дека царот Нерон наредил Петар да биде распнат. Сметајќи се себеси недостоен да биде распнат како неговиот учител, Петар побарал да биде распнат со наведната глава.
И свети апостол Павле бил убиен од царот Нерон, но бидејќи бил римски граѓанин, не бил распнат туку обезглавен истиот ден кога Петар бил убиен. Луѓето веруваат дека Свети Петар го чува столбот на кој се наоѓаат Земјата, небесната слама (Млечниот пат) и небесниот крст (соѕвездието).
Порано на овој ден стоката наутро ја посипувале со вода за да бидат здрави, а овчарите плетеле венци и ги ставале на роговите на добитокот. Палењето на оган и јоргованот ги симболизира времињата кога христијанските императори ги прогонувале и мачеле христијаните, ги врзувале за дрвени столбови, ги натопувале во смола и ги палеле.
На Петровден ништо не се прави на поле. На некои места општ обичај е дека до Петровден не смеело да се сечи јаболка со нож, бидејќи се верувало дека ќе падне голем град и ќе ги уништи посевите.
На некои места, наутро на Петровден им се делат јаболка на првите соседи за душите на покојниците, а на некои места јаболка се носи во црквата на осветување. Општ обичај е за Петровден да се пече колачи со јаболка.
