Детали од последната средба на Путин и Пригожин: По средбата лидерот на Вагнер ,,вриел” од гнев!

На телеграмскиот канал VĆK-OGPU, наводен извор сведочеше за последната позната средба меѓу Евгениј Пригожин и рускиот претседател Владимир Путин.

Состанокот, се одржал неколку дена по неуспешниот бунт на Вагнер.

Според информациите, приватен авион на компанијата МНТ Аеро во Белорусија го презел поранешниот шеф Вагнер, кој прво слетал во Санкт Петербург, а пет дена подоцна, на 29 јуни, Пригожин пристигнал во Москва.

Пред средбата со Путин, Пригожин летал со екипажот и бил одлично расположен: слушал музика, се шегувал со екипажот. Командантите Вагнер на средбата со Путин отишле со редовни летови и автомобили.

По пречекот сите заедно се вратиле во Санкт Петербург со истиот авион во кој загина Пригожин.

Како што забележале членовите на екипажот, по средбата со Путин, шефот на платениците бил видно нервозен. Тој беснеел, укорувајќи ги сите свои следбеници.

Цел час на летот тој не престанал да зборува и викал со повишен глас, велат од CPC-OGPU.

Евгениј Пригожин загина во авионска несреќа во средата, но датумот на погребот сè уште не е одреден. Телото сè уште не е предадено на семејството, па рускиот обичај да се закопа телото три дена по смртта сигурно нема да се почитува.

Се поставува и прашањето каде ќе биде погребан лидерот на Вагнер?

Со оглед на титулата Херој на Русија, Пригожин има право на место во главната воена некропола на земјата – „Пантеонот на бранителите на татковината“ во Митишчи, Московскиот регион, кој беше отворен во 2013 година.

За потсетување, Евгениј Пригожин загина заедно со уште девет лица во авионска несреќа во областа Твер во Русија, а околностите сè уште не се познати.