Детска клиника „Козле“, 70 деца на болничко лекување

Скопје, според квалитетот на воздухот, во последните денови е рангирана меѓу 10-те најзагадени земји во светот. Скопјани дишат и најзагаден воздух во Европа по присуство на ПМ10 честички, велат последните анализи. Загадениот воздух влијаеше на појавата на многу вируси, а влијае и на децата.

На Детската клиника „Козле“ во моментов дневно се лекуваат над 200 деца поради респираторни проблеми, вели доктор Луљета Мустафа Рамадани.

„Во нашата клиника во моментов има 70 пациенти кои се хоспитализирани овде, имавме 200 деца кои беа прегледани во нашата болница, но добија препораки за домашно лекување. Нормално, селектираме пациенти, деца кои имаат потешкотии со дишењето на кои им е потребен кислород и остануваат во болница, додека оние кои имаат простор за домашно лекување ги пуштаме со препораки дома за понатамошна терапија“. – изјави Луљета Мустафа Рамадани, доктор на Детската клиника во Козле.

Ваков наплив на пациенти е очекуван, вели докторот, според кого, сега е сезона на грипови и вируси, но на зголемувањето на бројот на заболени влијае и загадениот воздух.

„Сега е сезона на грип и други вируси, т.е симптоми на вируси се: кашлица, течење на носот, болки во грлото, опструкции т.е. отежнато дишење. Додека ако е сезонски грип, грип или сезонски грип – што народот го знае, во тој случај првиот симптом што се појавува е висока температура, наеднаш децата ја креваат температурата, ова ги плаши родителите и ги носат децата во нашата болница“. – изјави Луљета Мустафа Рамадани.

Во детската клиника „Козле“, регистрирани се деца со „Ковид-19“.

Случаи на Ковид-19 се регистрирани и на Клиниката Козле.

„Продолжуваме да ги тестираме децата, но само децата што ги примаме во болница. Имаме случаи со заболени од Ковид. Моментално лежат пациент на 5 месеци, но со благи симптоми можам да кажам треска, блага кашлица, не премногу алармантна“. – изјави Луљета Мустафа Рамадани.

Доктор Мустафа Рамадани препорачува како превентивна мерка чистота, не престојување со многу луѓе во затворена средина, децата да не се испраќаат на места за забава каде што се собираат повеќе деца, како и да се консумира свежо овошје и зеленчук.

Докторот препорачува и оние кои имаат можност да ги посетат планинските земји за да го избегнат загадениот воздух во урбаните средини.