Димитриевски: Бадентер ја доведува во прашање функционалноста на државата, тоа е механизам кој го злоупотребуваат политичките партии

Бадентеровото правило во одредени моменти ја доведува во прашање функционалноста на државата, изјави денес лидерот на Движењето ЗНАМ, Максим Димитриевски.

Изјавата на Димитриевски доаѓа откако министерот за правда Игор Филков изјави дека поголемиот дел од Бадентер се злоупотребува и дека можеби е време за негово преиспитување.

„Изјавата на министерот Филков се однесува исклучиво на функционалноста на Бадентеровото правило. За нас како политички субјект, Рамковниот договор е завршено дело, укинат и е целосно исполнет и имплементиран. Но, факт е дека во одредени моменти Бадентеровото правило ја доведува во прашање функционалноста на државата и потврда за тоа ќе имаме по завршувањето на локалните избори“, рече Димитриевски.

Тој подвлече дека партијата го поддржува Охридскиот рамковен договор, но дека Бадентер како механизам се злоупотребува.