Директорот на ЦИА ги потврди сомнежите на Западот! Се заканува жестока ескалација, Кина ќе ја вооружува Русија
Директорот на ЦИА, Вилијам Барнс, изјави дека постои можност Кина да испрати вооружена помош за Русија во војната со Украина.
– Сигурни сме дека кинеското раководство размислува да ѝ обезбеди на Русија смртоносна опрема – изјави Барнс за „CBS News“.
Тој нагласи дека Кина сè уште не донела одлука да испрати оружје во Русија и објасни од каде е одлуката на администрацијата на Бајден да ги даде овие разузнавачки информации.
– Не гледаме дека сè уште е донесена конечната одлука и не гледаме докази за реални испораки на смртоносна опрема. И затоа, мислам, секретарот Ентони Блинкен и претседателот Бајден сметаа дека е важно јасно да се наведат какви ќе бидат последиците – додаде директорот на ЦИА.
На прашањето дали целта на администрацијата на Бајден, со објавувањето на разузнавачките служби на ЦИА, е да ја одврати Кина од испраќање оружје во Русија, Барнс одговори потврдно.
– Тоа е планот. Ако кинескиот претседател Си го стори тоа, тоа ќе беше многу ризичен и немудар облог – рече Барнс.
