Додик се сретна со Шојгу: „Русија ја следи ситуацијата во РС, верува дека можеме да ги надминеме проблемите“

Претседателот на ентитетот Република Српска (РС), по кого е распишана централна потерница, Милорад Додик, се сретна со секретарот на Советот за безбедност на Руската Федерација, Сергеј Шојгу.

Како што изјави, тие разговарале за меѓусебните односи, за кои Шојгу рекол дека се добри.

„Русија многу посветено ја следи ситуацијата во Република Српска и разбира дека притисокот што го врши раководството е многу тежок за нас, но верува дека можеме да ги надминеме овие проблеми“, рече Додик.

Тој исто така вели дека една од темите била тешкотијата за водење бизнис во услови на санкции.

„Шојгу верува дека санкциите на некој начин „ја направиле јавноста свесна за самата Русија“, но дека е потребно да се одржат одредени деловни аранжмани“, рече Додик.