Додик: Утре на седница на Владата бараме РС да се приклучи на воениот договор со Србија и Унгарија

Претседателот на Република Српска Милорад Додик најави дека на утрешната продолжена седница на Владата на РС во Бања Лука ќе побара РС да испрати барање за вклучување во воениот договор со Србија и Унгарија.

Република Српска никогаш не смее да прифати да биде дел од НАТО алијансата.

Покрај тоа, Додик истакна дека РС одржува „одлична соработка“ со Израел и Азербејџан, без да прецизира во кој контекст.

Јасно е дека ентитетите во Босна и Херцеговина немаат овластување да водат надворешна и воена политика. Уставот на БиХ јасно дефинира дека ваквите одлуки се исклучива надлежност на државните институции.

Така, иницијативата на Додик може да се смета како уште еден обид за напад врз Босна и Херцеговина што ги тестира границите на Дејтонскиот договор и мирот.