Доживеал мозочен удар СО ЉУБОВНИЦАТА, СОПРУГАТА МУ ПРЕСУДИЛА: Наредила да ги ИСКЛУЧАТ АПАРАТИТЕ, а потоа се откри вистината за ТРИАГОЛНИКОТ
Неименувана жена од кинеската провинција Лиаонинг му пресудила на својот сопруг и го исклучила од апаратот што го одржувал во живот, откако доживеал мозочен удар во куќата на неговата љубовница , објави порталот South China Morning Post , чиј новинар веќе во првата реченица заклучил дека мотивот на жената беше одмаздата .
Дали навистина било така, веројатно само таа жена знае. Но, од продолжението на приказната се дознава дека починатиот 38-годишен маж подолго време живеел со љубовницата и покрај тоа што се уште бил официјално оженет.
Токму неговата љубовница го однела во болница во критична состојба , но не долго откако бил примен на одделот за интензивна нега, во болницата се појавила друга жена и се претставила како законска сопруга на пациентот.
Доктор по презиме Чен потоа ја известил дека состојбата на пациентката е критична, што значи дека мажот има многу мали шанси да ја преживее екстремно скапата операција.
Неговата сопруга потоа го замолила Чен да го симне од апарати за одржување и да престане со сите напори да го оживее.
Порталот South China Morning Post не наведува дали останатите членови на неговото семејство се согласиле со таа одлука, дали воопшто биле консултирани, но ја пренесе позадината на љубовниот триаголник.
Имено, сопругата потврдила дека знаела дека сопругот и е неверен повеќе од една деценија и нагласила дека нема чувства кон неа и дека не и пружал никаква финансиска поддршка.
Додала дека ни таа не го сака некое време.
Според кинескиот закон, кога пациентот не може да донесе клучни одлуки додека е целосно свесен, лекарите се обврзани да му ги објаснат ризиците од операцијата на семејството или роднините на пациентот и да побараат нивна писмена согласност. Што, јасно, значи дека во одредени околности и брачниот другар може да ја донесе конечната одлука.
„Меѓутоа, доколку членовите на семејството не можат да постигнат консензус за продолжување на лекувањето, може да се спроведат соодветни медицински мерки со одобрение од раководителот на здравствената установа“, го заклучува написот новинарот на South China Morning Post, истакнувајќи дека постапката на сопругата предизвика жестока дебата на тамошните социјални мрежи.
