Доказ дека апликациите ве прислушкуваат: Ова нешто на вашиот телефон е доказ – лесно поправете го
Ако сте забележале мала зелена точка на горниот дел од екранот, не грижете се. Таа покажува дека апликацијата моментално го користи микрофонот или камерата на вашиот телефон.
Оваа опција постои уште од верзиите за Android 12 и iOS 14, а беше воведена за корисниците секогаш да знаат кога уредот пристапува до аудио или видео.
Зелена точка се појавува во горниот десен агол на екранот и означува активност на микрофонот, камерата или обете функции. Кога свети, тоа значи дека апликацијата добила пристап до тие компоненти – без разлика дали станува збор за некоја легитимна употреба, како видео повик или нешто сомнително.
Ако забележите дека се појавува зелена точка дури и кога не ја користите камерата или микрофонот, треба да проверите кои апликации имаат дозвола за пристап .
На Android уреди, можете да го направите ова со отворање на „Поставки“, потоа „Приватност“, па „Дозволи за микрофон и камера“. Таму се прикажува список на сите апликации што побарале пристап, како и времето кога го користеле .
Како да проверите дали некоја апликација ве прислушкува
Кога ќе ја видите зелената точка на горниот дел од екранот, повлечете ја надолу лентата за известувања. На самиот врв треба да се наведе која апликација ја користи камерата или микрофонот. Ако не е апликација што сте ја стартувале вие, таа работи во позадина – во тој случај, веднаш одземете го нејзиниот пристап.
За да избегнете вакви ситуации во иднина, одете во „Поставки“ → „Приватност“ → „Индикатори за камера и микрофон“ и вклучете ја опцијата за прикажување известувања. Така, ќе бидете предупредени секој пат кога некоја апликација ќе ја активира камерата или микрофонот.
На iPhone уредите, принципот е ист: зелена точка ја означува камерата, а портокалова значи дека микрофонот е активен.
Ако забележите дека зелената точка често се појавува и не ја знаете причината, можно е некоја апликација да го користи микрофонот во позадина без ваша изречна дозвола. Ова најчесто се случува со апликации за социјални мрежи, видео повици или дигитални асистенти како Google Assistant.
Секогаш проверувајте – ниедна апликација не треба да го користи вашиот микрофон без ваша согласност.
Зелената точка не е само декорација на екранот, туку важен индикатор што ја штити вашата приватност. Доколку не сте ја започнале оваа акција, веднаш проверете ги дозволите и оневозможете го пристапот до сомнителната апликација – ако сакате да спречите вашиот телефон да „слуша“ без ваше знаење.
