Дончиќ го чека Јокиќ во финалето! Лудило, драма и голем пресврт на Далас во финалето! Лука со трипл-дабл поведе до победа над Оклахома! (видео)

Кошаркарите на Далас, предводени од одличниот Лука Дончиќ, ја победија Оклахома по големата драма и пресврти во последната четвртина.

Далас со победата во шестиот натпревар со резултат 117:116 обезбеди пласман во финалето на Западната конференција.

Словенецот трет натпревар во низа стигна до трипл-дабл учинок со 29 поени, со 10 скока и асистенции. Тој погоди девет од 15 удари од поле, вклучувајќи четири тројки во шест обиди. Тој имаше одлична поддршка од Кајри Ирвинг и Дерик Џонс Јуниор, кои додадоа по 22 поени.

Сепак, натпреварот го реши Пи Џеј Вашингтон од линијата за слободни фрлања во возбудлива завршница.

Домашните од Тексас на полувремето имаа негатива од 16 поени, а на почетокот на последната четвртина од седум поени. До четири минути до крајот Оклахома имаше предност, а во последната минута имаше две загубени топки.

Најпрво, јунакот на овој натпревар направи прекршок додека топката не беше во игра. Шеј Гилгиус-Александер ги погоди слободните фрлања, а потоа Чет Холмгрен погоди за предност на својот тим – 116:115.

Гилгеус-Александер беше фаулиран при шут за три поени а откако предизвикот на тренерот на Оклахома беше неуспешен, Вашингтон доби три слободни фрлања на 2,1 секунда до крајот.

Ги погоди првите два, а третиот го промаши и тоа беше доволно за четврта победа во полуфиналната серија. Јунакот на овој меч постигна девет поени, сите девет во последниот дел.

Далас во финалето на Западната конференција ќе игра со победникот од седмиот натпревар од серијата помеѓу Денвер и Минесота.