Дончиќ се појави во продавница во Далас и ги изненади сите со својата неочекувана улога: Работеше како касиер (видео)

Словенечката кошаркарска суперѕвезда Лука Дончиќ пред две вечери за првпат гостуваше во Далас, каде одигра меч со Лос Анџелес Лејкерс против Маверикс и достојно ги уништи со својата фантастична игра.

Лејкерси победија со 112:97, а Дончиќ постигна 45 поени, забележа осум скока, додаде шест асистенции и забележа четири украдени топки. Од поле шутираше 16/28, а од десет обиди упати седум тројки.

Дончиќ можеше да се види како плаче во салата поради емотивниот пречек кој го доби, а по натпреварот ги воодушеви сите во Далас појавувајќи се во продавница за спортска опрема.

Станува збор за продавницата Дикс, каде што Словенецот ги изненади фановите бидејќи се појави во улога на касиер, додека на фановите им издаваше фактури и ги наплаќаше производите на компанијата.

Покрај тоа, Дончиќ потпишал и патики и други производи кои обожавателите ги купувале во продавницата и се фотографирале со нив.

Инаку, Лејкерси веќе обезбедија директен пласман во НБА плеј-офот бидејќи моментално се на третото место во западната конференција со скор од 49 победи и 31 пораз.