Доцнеше на возот за Виена, па реши да се „закачи“ на задната страна: Следеше хаос, а ова го направи кондуктерот

Вчера во Австрија се случи надреална сцена кога еден човек, кој задоцнил на возот, решил да се „закачи“ за надворешноста на вагонот и така да стигне до својата дестинација.

Според сведоците, околу 23 часот, додека возот се движел со голема брзина по шините, еден човек почнал френетично да удира по стаклото! Патниците останале во шок, а еден веднаш ја повлекол рачката за да го запре возот.

Се испоставило дека човекот доцнел да се качи на последниот воз во Сент Полтен, па затоа верувал дека држејќи се за вагонот, ќе може да стигне до својата крајна дестинација.

„Неколку километри откако возот тргна, веројатно сфати дека возењето со брзина од 200 км/ч однадвор не е толку добра идеја. Тогаш почна да удира по прозорецот. Еден патник скокна и ја повлече рачната сопирачка. На слепиот патник му требаше околу една минута да се качи на возот“, изјави сведокот за „ Хојте“ .

Кога кондуктерот сфатил што навистина се случува, му се развикал на човекот. По пристигнувањето на одредиштето во близина на Виена, патролата го чекала слепиот патник и тој завршил во притвор.

За среќа, при наглото сопирање немаше повредени, а уште поголема среќа е што единственото лошо нешто што се случи во целата оваа приказна е што возот доцнеше седум минути.