Драматична снимка од потерата! Полицаецот со вперен пиштол скока на хаубата, но возачот стиска гас! Неверојатно е што сè се случува (видео)

Американската полиција објави драматично видео на кое се гледа како полицаец од Ајова виси од автомобил на осомничен за време на потера!

Снимката од полициската камера и надзорна камера го покажува моментот кога полицаецот Патрик Мекарти се држи за хаубата, а потоа и за покривот на автомобилот на Денис Гидер, по кога е распишана потерница.

Инцидентот се случил во 2021 година, но полицијата на округот Керол дури сега ја објави вознемирувачката снимка.

Мекарти го запре автомобилот на 5 март 2021 година и го извести Гидер, кој седеше на совозачкото седиште, дека има налог за негово апсење во Илиноис.

,,Не сакам јас да бидам тој што ќе ти го соопшти ова, но имам налог за да те уапсам“, му рече Мекарти.

Тој побарал од бараниот човек да излезе од возилото, но наместо тоа излегол возачот, а Гидер го грабнал воланот. Возилото се придвижило напред, а МекКарти го извадил пиштолот и зачекорил пред возилото. Гидер (29) сепак продолжил да вози, поради што полицаецот скокнал на хаубата со вперен пиштол во шофершајбната.

– Запрете го еб**иот автомобил – извика МекКарти, удирајќи во шофершајбната додека другите полицајци пристигнаа на местото на инцидентот. Гидер се оддалечил со приближно 80 километри на час додека полицаецот бил на хаубата на автомобилот.

Снимката на камерата од друго полициско возило го покажува Мекарти како се држи за покривот на автомобилот додека Гидер со брзина се спушта по земјениот пат. Автомобилот заврши во канал а подоцна беше откриено дека тој претрпел бројни скршеници.

Гидер се изјасни за виновен за тежок напад со возило и беше осуден на максимална затворска казна од пет години. Тој пред судот тврдеше дека се плашел за својот живот кога полицаецот го извадил пиштолот.