Драматична снимка од пукањето во Прага: Деца лежат на подот од училницата, скриени зад столици, додека се слушаат истрели (ВИДЕО)
На социјалните мрежи кружи грозоморно видео од масакрот во Прага.
На него се прикажани деца во училницата како се спуштаат на подот, се кријат зад столовите.
Во тие страшни моменти се слушаат истрелите на полудениот убиец Дејвид Козак.
Убиецот го убил својот татко пред масакрот
Да потсетиме, убиецот од Прага, кој во масакрот на Филозофскиот факултет уби 15 луѓе и рани најмалку 24, пред крвавиот поход го убил својот татко дома.
Според полициски извор, убиецот бил Чех, студент по историја со психички проблеми. Тој, наводно, го убил својот татко дома, а потоа таму поставил рачно изработена бомба, која не успеала.
Да потсетиме, по злосторството, убиецот се самоуби пукајќи во себе, а потоа паѓајќи од зградата.
„Убиецот е елиминиран! Целата зграда моментално е во процес на евакуација и има неколку десетици мртви и ранети“, соопшти полицијата во врска со пукањето на Филозофскиот факултет на Универзитетот Карл.
Во меѓувреме се појавија првите снимки и фотографии од Прага.
Според локалните медиуми, напаѓачот паднал од зградата и починал, а пред тоа се застрелал, според непотврдени информации на сведоци.
Учениците споделуваат информации на Интернет дека луѓето се затворени во училниците или во библиотеката и дека се евакуираат и ученици од околните згради во центарот на Прага.
