ДРАМАТИЧНИ СНИМКИ ОД СЛОВЕНИЈА: Пороен дожд носи жена заробена во автомобил, се огласуваат сирените, луѓето се спасуваат со хеликоптери
Големо невреме во ноќта меѓу четвртокот и петокот опустоши делови од Словенија .
Поплавени се бројни населени места, ширум земјата одекнуваат сирени кои ги предупредуваат граѓаните на опасноста, а на терен се стотици пожарникари и членови на други служби за итна помош.
Локалните медиуми јавуваат дека едно лице загинало во поплавите во Камник на северот на Словенија. Порталот Камник.инфо наведува дека водата однела постар жител во атарот на населбата Бистричице. Во петокот наутро полицијата соопшти дека пред куќа во месноста Камник било пронајдено тело на локалец, но поради поплави не можел да излезе надвор.
Делото известува дека на некои места во Штаерска се огласиле сирените поради опасност од поплави. Сирените ги разбудиле и жителите низ Корушка .
На видеата се гледа дека луѓето се спасувани со хеликоптери во Шкофја Лока, каде ситуацијата е особено драматична поради невремето .
Драматична сцена е снимена и во градот Пољана на северот од земјава, каде патот бил поплавен, а поројот бил толку силен што во еден момент го однел автомобилот во кој била жената.
– Фала му на Бога, ја спасивме госпоѓата од автомобилот, таа сега е безбедна. Многу е среќна што го преживеала хоророт – изјавил за порталот Корошка Чвека еден од спасувачите Јасмин Бајректаревич.
Јасмин додаде дека за среќа во близина имало двајца алпинисти кои имале опрема.
– Мислам дека сите бевме малку шокирани. Госпоѓата извика „помош“ од автомобилот, а ние брзо постапивме бидејќи сфативме дека пожарникарите не можат да стигнат до нас – додаде Бајректаревиќ.
