Драматично предупредување од Димитриј Медведев: “Се надевам дека нашите вечни непријатели разбираат дека ако направат такво нешто, Русија тоа ќе го смета за објава на војна!“

Поранешниот претседател на Русија, Дмитриј Медведев, во петокот предупреди дека Москва ќе ја разгледа можноста за наводното испраќање војници од Велика Британија во Украина за објавување војна против Русија.

Дмитриј Медведев, актуелниот заменик-претседател на Советот за безбедност на Русија, реагираше на посетата на премиерот на Велика Британија, Риши Сунак на Киев.

Во Киев, Риши Сунак во петокот најави зголемување на финансиската помош за Украина за да може да купи нови воени беспилотни летала.

„Се надевам дека нашите вечни непријатели – арогантните Британци – разбираат дека распоредувањето на официјален воен контингент во Украина би било објава на војна на нашата земја“, напиша Дмитриј Медведев во објава на социјалната мрежа Телеграм.

Дмитриј Медведев, исто така, праша како би се чувствувала западната јавност доколку делегацијата на Риши Сунак биде нападната со касетна муниција во центарот на Киев, како што неодамна им се случи на руските цивили во Белгород, во близина на украинската граница.

„Најмалку 20 лица, меѓу кои две деца, загинаа, а 111 беа повредени во тој инцидент на 30. декември“, додаде тој.

Дел од украинските медиуми, повикувајќи се на неименувани извори, објавија дека украинските сили напаѓале воени цели во Белгород како одговор на масовното руско бомбардирање на украинските градови еден ден претходно.