ДРАМА ВО ЛЕТ – ПИЛОТОТ ПО 2 ЧАСА ГО ВРАТИЛ АВИОН НА АЕРОДРОМ! Причината во најмала рака е БИЗАРНА: „Паѓаа на жената, од се ми се смачи“
Незадоволството на патниците од авиосообраќајот доби нов пресврт во вторникот на летот на „Делта ерлајнс“ од Амстердам до Мичиген, кога црви почнале да паѓаат врз патниците , пренесува „Гардијан“ .
Еден од патниците, наводно, носел расипана риба во рачниот багаж, која ја ставил во просторот над седиштето, а потоа црвите испаднале од торбата и паднале врз патниците што седеле долу .
Филип Шот, Холанѓанец кој живее во Ајова, изјави за локалните медиуми дека видел најмалку десетина црви како паѓаат врз жената среде лет.
– Всушност, не знам што ми се вртеше низ глава. Се обидував да го обработам, но секако гадењето е една од првите реакции – изјави Шоте.
Тој додава дека стјуардесите го следеле патот на црвот до торбата и ја нашле рибата завиткана во весник. Откако се јавил човекот на кој му припаѓала чантата, стјуардесите ја однеле и пилотот објавил дека авионот мора да се врати на аеродромот Шипхол во Амстердам .
Авиокомпанијата им се извини на патниците, наведувајќи дека патувањето било прекинато поради неправилно спакувана торба.
– Авионот се врати и патниците беа распоредени на следниот достапен лет. Авионот е изваден од употреба заради чистење – објаснија од „Делта ерлајнс“.
Друг патник по име Келце објави објава за инцидентот на платформата X , која во меѓувреме е избришана.
– Навистина е убаво да поминете два часа на лет кој трае вкупно осум и да дознаете дека со нас патуваат скапани риби и црви – пишувало во соопштението.
Тој рече дека сите патници во авионот добиле 8.000 бесплатни воздушни милји за идно патување, компензација на хотелската соба и ваучер за оброк од 30 долари за непријатностите што ги доживеале.
