ЕВЕ ШТО Е НАЈЗДРАВО ДА ПРАВИТЕ ВЕДНАШ ШТОМ ЌЕ СЕ РАЗБУДИТЕ: Една работа е поважна од пиењето КАФЕ
Се повеќе се тврди дека кафето е само навика, едноставна прошетка или карактеристичен мирис може да влијае на нашето расположение, да го намали чувството на поспаност и замор.
Утринското кафе не е единствениот начин да се разбудите и да го започнете денот. Можеме да бидеме будни, да не боли глава и да имаме многу енергија без задолжителното утринско кафе. Сè повеќе се тврди дека кафето е само навика. Понекогаш е доволно да се испие само една чаша вода наутро.
Да го започнеме денот со салата и да не заборавиме на витаминот Б 12
Лиснатиот зелен зеленчук е еден од најдобрите начини за снабдување на телото со витамини, минерали и енергија неопходни за секојдневните активности. Спанаќот и кељот се храна богата со витамини од Б комплексот кои обезбедуваат енергија на клетките. Витаминот Б согорува јаглехидрати и масти. Експертите наведуваат дека овој витамин влијае на речиси сите телесни функции, нервниот и имунолошкиот систем.
Витаминот Б12, на пример, е неопходен за синтеза на ДНК и правилно функционирање на централниот нервен систем и припаѓа на витамините кои човечкото тело не може да ги создаде самостојно. Витаминот Б 12 го има во храната од животинско потекло.
Водата е неопходна за телото наутро
Кафето е опционално, но чаша обична вода е добар начин да се разбудите. Водата е основа на животот, околу 60 проценти од телото на возрасен човек се состои од вода, која ја регулира температурата на телото и ни помага да се ослободиме од токсините.
Експертите велат дека водата ни е потребна наутро, бидејќи губиме течност во текот на ноќта и во текот на процесот на дишење. Луѓето кои ‘рчат и губат големи количества вода во текот на ноќта треба да се советуваат да пијат чаша вода веднаш по будењето.
Наместо кафе, да одиме на утринска прошетка
Излегувањето од дома на свеж воздух е доволно за да ги разбудиме нашите сетила. Сонцето ќе ни помогне да се разбудиме. Совет е секој ден да поминувате најмалку 30 минути на сончева светлина.
Овој тип на терапија особено се препорачува за луѓе кои патат од несоница. Физичката активност ќе им обезбеди енергија на клетките и ќе го стимулира лачењето на ендорфин, хормони кои ќе ни го подигнат расположението.
Ајде да го замениме мирисот на кафе со мирис на лимон или нане
Мирисот на утринското кафе не е единствениот начин да се разбудите. Етеричните мириси на лимон, нане или еукалиптус ќе имаат сличен ефект врз нашите сетила. Здравите закуски богати со протеини ќе ни обезбедат енергија и добра контрола на шеќерот. Орев или бадем се полни со здрави масти кои ќе ни дадат подолго чувство на ситост и ќе ја спречат желбата за слатка храна.
Уморни од гледање во екрани
Екраните на мобилните телефони, телевизорите и компјутерите не принудуваат дополнително да ги напрегаме очите. Сè резултира со силно чувство на замор. Совет е да гледате во далечината на секои неколку минути. Ако е можно, би било добро да ги затвориме очите околу 15 минути и да се обидеме да се опуштиме. Можно е на овој начин да ги ублажиме заморот и поспаноста.
