Еве што пропагираше сектата поради што Килмер не бараше лекување: Невакцинирани деца умираат од заразни болести (фото)

Познатиот холивудски актер Вал Килмер, кој почина завчера, одби медицински третман кога му беше дијагностициран рак на грлото во 2014 година, верувајќи дека молитвата и духовното исцелување ќе бидат доволни за да се излечи.

Вал Килмер бил следбеник на контроверзната христијанска научна црква, која верува дека болестите не се реални и можат да се излечат само со молитва. Тој сметал дека неговиот рак е само „сугестија на умот“ и честопати негирал дека воопшто ја има болеста.

Поради верувањата што ги наследил од оваа секта, тој ги одбил традиционалните терапии и верувал дека верата ќе го излечи. Само благодарение на упорноста на неговите најблиски, особено на децата, тој се согласи на операција, хемотерапија и зрачење. Сепак, тој сè уште веруваше дека молитвата е клучот за неговото закрепнување.

Килмер почина завчера на 65-годишна возраст од пневмонија, поврзана со неговите долгогодишни здравствени проблеми. Слични трагедии се поврзани со секти како Христијанската научна црква, кои со децении беа на удар на критики поради негирање медицинска нега на децата и ширење епидемии со избегнување на вакцинација.

Оваа секта која е основана во 1879 година и денес има голем број следбеници, а меѓу нив имало и многу познати личности како 
Мерлин Монро и Елизабет Тејлор. Иако на многумина им е позната како религија, експертите ја сметаат за култ кој потекнува од мистичната духовност и се спротивставува на модерната медицина.