Еден загинат од напади на руски беспилотни летала во Киев

Најмалку едно лице загина, а неколку други се повредени во напади со беспилотни летала во текот на ноќта во Киев, соопштија властите.

Според воените претставници на Киев, неколку беспилотни летала од иранско производство се урнале над воздушниот простор на градот, пишува Телеграф.

Тоа беше трета последователна ноќ на напади во главниот град на Украина, кои се случуваат само неколку часа по завршувањето на самитот на НАТО во Литванија.

Во пет окрузи биле пријавени урнатини, а најмалку две лица биле пренесени во болница со повреди.

Градоначалникот Виталиј Кличко изјави дека телото на едно лице било пронајдено во станбена зграда во областа Подилски, северно од центарот на Киев.

Во Вилнус се одржа самит на НАТО додека Украина беше на врвот на агендата за поддршка од Западот.

Украинскиот претседател Володимир Зеленски исто така присуствуваше и повика Украина да се приклучи на Алијансата, но му беше кажано дека тоа ќе биде можно само „кога сојузниците ќе се согласат и ќе се исполнат условите“.