Една земја им плаќа 14 илјади евра на своите граѓани за да стапат во брак
Во Јужна Кореја, каде што браковите стануваат ретки, владата одлучи да интервенира – кој ќе се ожени, добива пари.
Додека младите луѓе низ целиот свет го одложуваат бракот поради пари и кариера, оваа земја одлучи да ја сврти ситуацијата наопаку – и тоа со готовина.
Владата и локалните власти на Јужна Кореја сега буквално им плаќаат на граѓаните да
стапат во брак , нудејќи бонуси и субвенции во вредност од по неколку илјади долари.
Најголемата програма доаѓа од Бусан, каде што локалната самоуправа им нуди на младите парови што стапуваат во брак до 20 милиони вони, што е околу 14.700 американски долари.
Покрај тоа, паровите можат да добијат дополнителни стимулации – 500 илјади вони за запознавање, 1 милион за свршувачка, па дури и 10 милиони вони за меден месец.
Во главниот град Сеул, почнувајќи од следната година, секој што ќе регистрира брак ќе добие 1 милион вони како „почетен фонд“ за заеднички живот.
Помалите области, како што се Геочанг и Сунчанг, се обидуваат да привлечат млади парови да се венчаат и да се населат таму, нудејќи дури 10 милиони вони за венчавки и живеење во локалната заедница.
Зошто сето ова?
Стапката на бракови во Јужна Кореја падна на рекордно ниско ниво. Сè повеќе млади луѓе избегнуваат брак поради трошоци, стрес и несигурност при работа.
Затоа владата одлучи да го претвори бракот во државен проект, бидејќи без брак нема иднина.
– Сакаме да ги отстраниме финансиските пречки и да ги охрабриме младите луѓе да го направат првиот чекор – соопшти Министерството за родова еднаквост и семејство.
Државата е како Купидон
Корејските медиуми веќе на шега пишуваат дека владата станала „новиот Купидон со банкарска сметка“.
И додека некои тврдат дека љубовта не треба да се мери со пари, други велат – ако им помага на повеќе луѓе да се венчаат, зошто да не?
Во Јужна Кореја, бракот повеќе не е само чин на љубов, туку стана и економски потег. И како што стојат работите, можеби наскоро и други земји ќе почнат да го следат истиот пример, бидејќи кога бракот ќе се исплати, нацијата полесно дише.
