Една навика го намалува стресот и го зголемува нивото на хормоните на среќата

Вo свет преоптоварен со обврски, стресот станува речиси секојдневна појава. Но, според експертите, постои едноставна навика која може значително да го намали нивото на стрес и во исто време да го зголеми количеството на хормони на среќата – одење. Иако звучи премногу едноставно за да биде ефективно, редовното одење има силен ефект врз здравјето на мозокот, расположението и емоционалната рамнотежа. Физичката активност како пешачење не бара никаква опрема, планирање или посебни услови, а придобивките се докажани дури и со кратки прошетки.

Според докторот д-р Остин Перлмутер, одењето директно влијае на хемиските процеси во мозокот, стимулирајќи го лачењето на серотонин – невротрансмитер кој игра клучна улога во регулирањето на расположението, спиењето и апетитот. Тој истакнува дека дури и кратка прошетка може да доведе до мерливи промени во активноста на мозокот кои се поврзани со подобро расположение и ментална јасност. Редовното вежбање, исто така, помага да се прекине циклусот на негативни мисли и преплавување, што е чест проблем за луѓето кои тешко се справуваат со стресот.

Пешачењето е особено ефикасно кога се изведува во природа, бидејќи дополнителниот контакт со средина која не вклучува екрани и градски хаос дополнително придонесува за психолошка релаксација. Експертите потврдуваат дека само 20 минути пешачење дневно може позитивно да влијае на расположението.

Воведувањето на оваа едноставна навика во секојдневниот живот не бара многу труд, но носи повеќекратни придобивки. Освен што помага да се намали анксиозноста и да се зголеми серотонин, одењето ја подобрува концентрацијата, креативноста и квалитетот на сонот. Експертите истакнуваат дека не е важно колку брзо одите, туку колку редовно го правите тоа.

Ако бараме природен начин за борба против стресот, без лекови или скапи терапии, дневната прошетка би можела да биде токму она што ни треба.