Едноставна утринска навика ќе ви ја подобри енергијата, расположението, меморијата и метаболизмот

Кога ќе се разбудите наутро, веројатно сте во искушение да испиете шолја кафе. Сепак, експертите велат дека постои подобар пијалок кој ќе ве „размрда“ – водата.

Пиењето вода е од суштинско значење за исфрлање на токсините, стимулирање на метаболизмот, контролирање на внесот на калории, зајакнување на имунитетот, подобрување на здравјето на кожата и многу повеќе, според New York Post .

Истражувањето спроведено во 2020 година покажа дека пиењето 500 милилитри вода, т.е. приближно две чаши, по 12 часа дехидрација ја подобрува меморијата и расположението.

Исто така, пиењето 200 милилитри вода обезбеди многу од овие придобивки, додека 100 милилитри беа многу помалку ефикасни.

„Водата сочинува 60-70 проценти од телесната тежина. Таа е клучна за секој систем и метаболичка активност на човечкото тело“, напишаа истражувачите од Универзитетот во Пекинг во Кина во Меѓународниот весник за истражување на животната средина и јавно здравје.

Лекарката Шијара Ортиз-Пујолс истакна дека укажала дека губиме вода додека спиеме преку физиолошки процеси како што се дишењето и потењето.

„Водата за пиење ви помага да се рехидрирате за оптимално функционирање. Исто така помага во подготовката на вашиот дигестивен систем за храната што ја јадете подоцна во текот на денот“, рече таа, меѓу другото.

Топлата вода ја подобрува работата на дигестивниот систем, а ладната ја подобрува работата на метаболизмот.