Ердоган: Потенцијал за мир по рускиот предлог

Турскиот претседател Реџеп Таип Ердоган изјави дека предлогот на Русија за одржување на уште една рунда мировни преговори со Украина во Истанбул следниот месец ги зголемил надежите за мир.

Во разговор со новинарите на летот од Азербејџан, Ердоган рече дека неговата влада е во контакт со двете земји и додаде дека последниот момент во мировните напори е можност за постигнување траен мир.

„Патот до решение води низ повеќе дијалог, повеќе дипломатија. Ние ја користиме целата наша дипломатска моќ и потенцијал за мир“, изјави турскиот лидер денес од неговата канцеларија, цитиран од „Телеграф“.

Претходно, Кремљ соопшти дека сè уште чека одговор од Украина на предлогот на Русија следната рунда мировни преговори да се одржи во Истанбул на 2 јуни, за да се започнат дискусиите за нацрт-меморандуми за мировен договор.

Русија вчера предложи нова рунда директни преговори, со цел да ѝ достави на Украина меморандум во кој ќе бидат наведени она што го опиша како клучни елементи за „надминување на основните причини“ за конфликтот.