Забележан е шестиот океан кој полека се појавува

Ако геолошките процеси продолжат како што се сега, би можело да има шести океан на Земјата, што ќе им даде на африканските земји како Замбија и Уганда сопствено крајбрежје, и покрај тоа што моментално се без излез на море.

Формирањето на шестиот океан на Земјата започна во геолошки феномен, иако може да поминат милиони години пред да се заврши тој процес, објави американското списание Geophysical research letters, објави Унилад.

Во последниве години, истражувачите открија дека двата дела на африканското копно се оддалечуваат, процес кој, доколку продолжи, би предизвикал меѓу нив да почне да се формира нов океан.

Новиот океан ќе предизвика африканскиот континент да почне да се дели на половина, при што јазот се наоѓа на границите на африканските, арапските и сомалиските тектонски плочи.

Морскиот геофизичар и професор од Универзитетот во Калифорнија, Кен Мекдоналд, зборувајќи за откритието во целина, рече дека „Аденскиот Залив и Црвеното Море ќе го поплават регионот Афар и долината на источноафриканската Рифт и ќе станат нов океан“.

„Тој дел од Источна Африка ќе стане свој посебен мал континент“, рече Мекдоналд.