Заборавете на вештачката интелигенција – доаѓа суперинтелигенцијата

OpenAI има за цел да развие суперинтелигентни алатки за различни цели.

Калифорниската компанија за развој на вештачка интелигенција OpenAI постепено се свртува кон развојот на „суперинтелигенција“, напиша нејзиниот извршен директор Сем Алтман во својот личен блог.

„Ги сакаме нашите сегашни производи, но тука сме за славната иднина“, рече Алтман, додавајќи дека суперинтелигентните алатки би можеле да ги забрзаат научните откритија и иновации и на тој начин да го зголемат просперитетот, пренесува Tech Crunch.

reflections: https://t.co/rHdE40AuOG

— Sam Altman (@sama) January 6, 2025

Ваквите визии сега звучат како научна фантастика, но компанијата е уверена дека „во следните неколку години“ сите ќе го видат она што фирмата го гледа сега, рече Алтман. 

OpenAI неколку пати пишуваше за тоа како успешната транзиција во свет со суперинтелигенција е „далеку од гарантирана“ и дека компанијата нема одговори на сите предизвици.

Немаме решение за управување или контрола на потенцијално суперинтелигентната вештачка интелигенција и не можеме да ја спречиме да се однесува лошо, напиша компанијата во блог пост во јули 2023 година.

Компанијата изјави дека луѓето нема да можат со сигурност да ги следат системите со вештачка интелигенција кои се попаметни од нив.

Се надеваме дека Open AI ќе инвестира доволно ресурси за да се осигура дека суперинтелигентните системи се однесуваат безбедно, додава технолошкиот портал.