Заборавете на правилото „два литри“: Еве колку вода треба да пиете дневно

Добро познато правило е дека треба да пиете два литра вода дневно. Најновата студија ја побива оваа теза. Затоа, многу луѓе се прашуваат колку вода навистина треба да пијат дневно?

Маркетинг стратегија

Факт е дека е пожелно редовно да се внесува течност во нашето тело. Американско истражување покажало дека луѓето кои пијат премалку течност имаат 20 отсто поголеми шанси да умрат предвреме, пишува Феникс.

Сепак, правилото за консумирање два литра вода дневно се чини дека веќе не е релевантно.

– Сегашната препорака не е научно заснована – вели еден од авторите на студијата за странски медиуми.

Според него, постојат докази дека внесувањето и наглите препораки за внесување два литра вода дневно е резултат на успешните маркетинг стратегии на големите производители.

Новите студии покажуваат различни резултати

Едно ново истражување докажува дека луѓето имаат различни потреби за вода. Сепак, се смета дека повеќето луѓе треба да пијат помеѓу 1,5 и 1,8 литри вода на дневна основа.

Научниците наведуваат дека тоа е така затоа што луѓето кои се хранат здраво покриваат до 50 проценти од потребите за вода со храна. Дополнително, различната индивидуална потрошувачка на енергија е премногу голема за да даде општа препорака за дневните потреби за вода.

Жените на возраст од 20 до 40 години консумираат околу 3,3 литри вода секој ден. Мажите на возраст од 20 до 35 години можат да пијат до 4,2 литри дневно.

Луѓето кои вежбаат, пак, треба да пијат околу литар вода повеќе од просекот на дневна основа, пишуваат германските медиуми.