Заврши расправата за разрешување на министерот Беким Сали, ќе се гласа на дополнителен начин
Собранието доцна синоќа ја заврши расправата за предлогот за разрешување на министерот за здравство Беким Сали, во рамки на првата точка од 104. седница за Предлогот за реконструкција на Владата. , но, како што предупреди потпретседателот од Законодавниот дом, Горан Мисевски, ќе се гласа на дополнителен начин. Мисевски десет минути пред полноќ констатира дека веќе нема услови за работа и ја прекина седницата, а продолжението дополнително ќе биде закажано.
Откако констатира дека е исцрпена листата на говорници за разрешување на Сали и најави дополнително гласање, Мисевски ја отвори расправата за предлогот за разрешување на Адмирим Алити од функцијата министер за информатичко општество и администрација. Алити не ја искористи приликата да зборува за предлогот за негово разрешување.
Покрај Сали и Алити, од ресорот дијаспора треба да биде разрешен и Џемаил Чупи, тројцата кадри на Алтернатива, кои произлегоа од владината коалиција, ќе бидат заменети со кадрите на Алијансата за Албанците, која е нов владин партнер.
Собраниската расправа за реконструкција на Владата продолжи и по 18 часот синоќа, додека во меѓувреме беа најавени неколку паузи на барање на координаторите од СДСМ и ВМРО-ДПМНЕ по меѓусебните обвинувања за тоа кој ја кочи работата на Собранието. .
Расправата во Собранието е отворена од почетокот на неделата кога се расправа за првата точка – предлогот за разрешување на министрите, а на дневен ред е и изборот на четворица министри и пет заменици министри.
Координаторот на ВМРО-ДПМНЕ Никола Мицевски во процедурална реакција на почетокот на расправата, која неколкупати беше прекината, повторно ги отфрли тврдењата на власта дека опозицијата ја блокира работата на Собранието.
Беким Сали за чие разрешување се расправаше четири дена, според Мицевски, формално-правно се уште е министер, а ВМРО-ДПМНЕ не е виновна за здравствената состојба и најавениот штрајк поради неисплатени плати.
Меѓу пратениците кои се појавија во многубројните реплики беше и Халил Снопче од Алијансата за Албанците, кој го критикуваше однесувањето на опозицијата за предлогот за разрешување на министрите.
