Задоволни од жрепката? Милевски: Добивме група која ни дава надеж дека можеме да одиме на СП

По ждрепката за квалификациите за СП 2026, селекторот на македонската репрезентација Благоја Милевски изјави дека нашата репрезентација може да се надева на добар пласман.

,,Ждрепката во Цирих ни дава надеж. Добивме група со репрезентации со кои можеме да играме и се надеваме на добар пласман“, изјави Милевски за веб-страницата на Фудбалската федерација на Македонија (ФФМ).

Во квалификациската група за СП 2026 во САД и Канада, најдобрите македонски фудбалери се во група со Белгија, Велс, Казахстан и Лихтенштајн.

Милевски истакна дека Белгија е голем фаворит, една од најсилните селекции во светот и дека ќе биде големо изненадување доколку не успеат да го освојат првото место во тоа натпреварување.

,,Велс е одлична репрезентација, селекција која игра динамичен и брз фудбал. Секако дека влегуваат со својата пресметка за конечен пласман во групата, но убеден сум дека можеме да се спротивставиме на вистински начин“, изјави селекторот. на Северна Македонија.

Според него, Казахстан и Лихтенштајн можеби немаат позитивни резултати во последните квалификациски циклуси, но секој нов почеток е нова надеж за релативно помалите селекции во групата.

За мене е важно да го задржиме истиот пристап како на последните натпревари од Лигата на нации, силно мотивирани да влеземе во квалификациите и повторно да се бориме за резултат кој може да ни донесе можност за евентуален пласман на едно големо натпреварување“, изјави Благоја Милевски.