Започна 42-то издание на Скопскиот џез фестивал

Во Скопје синоќа започна 42-то издание на Скопскиот џез фестивал.

Овогодинешниот фестивал се отвори со премиерна изведба на делото за оркестар „По големиот пожар“ (After the Wildfire) од норвешките џез ѕвезди Арве Хенриксен, Јан Банг и Ингар Зак, под диригентство на Џијан Емин.

На Скопскиот џез фестивал, кој ќе трае до 22 октомври, ќе настапат вкупно 11 светски етаблирани состави од САД, Европа, Бразил и Северна Македонија, кои ќе ја претстават својата музика.

Организаторите најавија дека како дел од програмата, која е разновидна и распоредена во четири вечери, пред љубителите на џез музиката ќе има и низа ексклузивни настапи на некои од најголемите имиња на современиот џез и креативната музика.

Скопскиот џез фестивал е една од водечките културни манифестации што се организираат во Северна Македонија, со традиција од 42 последователни години и со призната репутација во Европа и во светот.

Скопскиот џез фестивал воедно се вбројува и меѓу водечките џез фестивали во Европа. Фестивалот, кој е член на престижната асоцијација „Европска џез мрежа“, за првпат беше организиран во далечната 1982 година.