Застрашувачки сцени од ужасот во Либија: „Бројот на исчезнати е илјадници, а се очекува да има над 10.000 мртви“ (ФОТО/ВИДЕО)
Десет илјади луѓе се водат како исчезнати по невидените поплави во Либија, соопшти Црвениот крст.
Ова стана јасно откако стана појасна големината на штетата во пристанишниот град Дерни, каде што викендот пукнаа две брани.
– Бројот на загинати е огромен – изјави Тамер Рамадан од либискиот Црвен крст.
– Бројот на исчезнати е во илјадници, а бројот на загинати се очекува да достигне 10.000 – изјави портпаролот на либиската локална администрација, Осман Абдел Џалил.
Во Дерна беа збришани цели делови од градот. Повеќе од седумстотини трупови се натрупани на гробиштата каде што чекаат да бидат идентификувани.
– Ситуацијата во Дерна е сè потрагична бидејќи немаме конечни бројки за реалниот број на жртви бидејќи многу населени места сè уште се недостапни – рече Џалил.
-Не би претерал ако кажам дека околу четвртина од градот е збришан – изјави министерот за цивилна авијација Хиќем Чкиот.
