За малку ќе завршел во масовна гробница за мигранти: Објавени нови детали од пронајденото тело за кое се претпоставува дека е исчезнатиот Србин
Телото кое беше пронајдено во морето на 120 километри од Атина, а за кое постои сомневање дека е Радован Јурачиќ, мажот од Кикинда кој исчезна пред две недели, не заврши во масовната гробница каде грчките власти закопуваат мигранти бидејќи со себе имал бројаница.
Според медиумите, грчката полиција се сомнева дека Јурачиќ се удавил, а според неофицијални информации, нивните тврдења ги потврдува и тоа што тетоважите на човекот чие тело е извлечено од морето се совпаѓаат со описот на тетоважите на исчезнатиот Србин.
-Грчките власти мислеа дека телото што е извлечено од водата е на мигрант. Меѓутоа, тогаш ја забележале бројаницата на неговата рака која им укажала дека сепак не е така. Тогаш почнаа истрага – вели извор запознаен со случајот.
За да се уверат грчките власти во нивните сомнежи, преку Интерпол ќе бараат ДНК на семејството на исчезнатиот Радован, што треба да им помогне да ги расветлат сите околности и да го потврдат идентитетот.
Во исто време, полицијата на бродот на кој се качил го пронашла пасошот на Радован.
-Тоа е чудно, бидејќи го пребаруваа бродот две недели. Семејството на Радован бара камери од видео надзор за да утврди што се случило кобната ноќ. Она што ја отежнува истрагата е тоа што на бродот имало само една камера и тоа во барот. Исто така, не се знае како можел да падне од бродот во морето бидејќи кога паѓа од бродот паѓа директно на палубата – вели изворот.
Претходно беа пронајдени чанта и телефонот што одговара на описот на семејството на исчезнатиот Радован, а кумот на Радован треба да му ги препознае работите.
Да потсетиме, Радован Јурачиќ (44) од Кикинда исчезна на 29 мај кога вечерта се качи на брод во Атина за островот Кос.
Кобниот ден тој околу 18 часот се качил на траектот во Атина. Два часа подоцна, поточно околу 20 часот, се слушнал со сопругата Драгана, на која и’ кажал дека се качил на траектот за Кос.
Неговата сопруга Драгана Јурачиќ претходно истакна дека повикот потоа бил прекинат бидејќи врската била лоша, а нејзиниот сопруг оттогаш не се јавил.
– Му се јавив во вторникот околу 7 часот наутро, но тој не се јави, а околу 12 часот телефонот беше исклучен и веќе нема сигнал. Последен пат беше лоциран на Родос – изјави тогаш таа.
