Зголемување на минималната плата! Дурмиши: Намалување и на цените на над 600 производи за Нова година

Министерот за економија и труд Бесар Дурмиши најавува дека од март идната година се зголемува минималната плата. Преку оваа одлука тој стави до знаење дека се залага за подобрување на квалитетот на животот на граѓаните, пренесува Телеграф Македонија.

Дурмиши нагласи дека во првата недела од декември ќе се одржи Социјал-економскиот совет на кој, како што предупреди, ќе се расправа за зголемувањето на минималната плата.

Дурмиши најави дека постојано е во контакт со економските совети, синдикатите, трговците и производителите.

„Согласно законот, пресметките ќе се направат во март и ќе се види колкава ќе биде минималната плата. Во буџетот се предвидени средства за зголемување на минималната плата, но колку ќе биде ќе видиме во јануари и февруари.

Граѓаните ќе бидат известени следната недела. Подготовката за новогодишната кошничка е при крај, со оваа мерка се планирани да бидат опфатени повеќе од 600 производи, но повеќе детали ќе ви дадеме следната недела бидејќи се планира кошницата да биде објавена некаде во четврток или петок“.