Земјотрес во еден од најбогатите фудбалски клубови во светот: Го избркаа тренерот, а сега ги ‘гонат’ Жозе Мурињо и Зинедин Зидан !?
Ал-Итихад од Саудиска Арабија го отпушти својот тренер по низата лоши резултати. Нуна Еспирита Санта ќе биде заменет од неговиот претходен помошник Хасан Калифа, а клубот ја започна потрагата по нов специјалист.
Во моментов се уште не се знае кој би можел да биде, но со оглед на тоа колку Саудијците може да платат за познати имиња и не би било чудно доколку клубот на Карим Бензема и Н’Голо Канте најде постојано решение во легендарниот португалски тренер Жозе Мурињо.
Актуелниот тренер на Рома е еден од кандидатите за тренер на Ал-Итихад, барем така тврди весникот Mirror. Жозе Мурињо неодамна изјави дека ја добил „најголемата и најлудата понуда“ во тренерската историја, а наводно била од Ал-Хилал, исто така од Саудиска Арабија. Сепак, тој ја одбил бидејќи им дал збор на играчите, навивачите и сопственикот на Рома. Покрај Жозе Мурињо, медиумите во Саудиска Арабија како потенцијални мети ги споменуваат и Зинедин Зидан и Лоран Блан.
Жозе Мурињо не е „расположен“ за евентуално заминување во Садусика Арабија, но тешко и дека тоа би можело да се реализира пред крајот на сезоната, бидејќи договорот со Рома го обврзува до крајот на актуелната сезона. Но веќе следното лето, 60-годишниот Португалец би можел да замине по своите „долари“.
„Во слободно време ќе одам во Саудиска Арабија, но убеден сум дека еден ден ќе работам таму. Не знам кога, но прилично сум сигурен во тоа, вратата ми е секогаш отворена таму“, изјави неодамна Жозе Мурињо во интервју за египетската телевизија MBC.
Тој призна дека врз него влијаел и потегот на сонародникот Кристијано Роналдо, кој во јануари оваа година го замени Манчестер Јунајтед со Ал-Наср.
„Кристијано Роналдо прв отиде таму и веднаш обезбеди поинаква перспектива. На почетокот играчите мислеа дека тоа е шоу за еден човек, но летото сфатија дека навистина се се менува. Многу играчи, не само во последниот период од кариерата, туку и некои играчи во најдобрите години од кариерата, заминуваат таму бидејќи конкуренцијата е вистинска, не само во домашната лига, туку и азиската Лига на шампиони е многу интересна“, објаснил Жозе Мурињо.
