Земјотрес со јачина од 8,8 степени ја погоди источна Русија – предупредувања за цунами во Јапонија, Алјаска и Хаваи
Силен земјотрес, со епицентар во регионот Камчатка, предизвика предупредувања за цунами во Јапонија, Алјаска и Хаваи.
Според странските медиуми, пренесува Телеграф, земјотресот со јачина од 8,8 степени според Рихтеровата скала се случил во североисточна Русија во среда наутро.
Таму е пријавена штета, а издадени се наредби за евакуација на рускиот полуостров Камчатка, епицентарот на земјотресот.
At least 4 whales have washed up along the coast of Japan, hours after 8.8 earthquake
— Sumit (@SumitHansd) July 30, 2025
Civilians seen on top of building in Hokkaido, Japan amid tsunami warning.
Tsunami Warning ⚠️ Russia, Alaska, Hawaii, Japan #earthquake #tsunami #Russia #Japan #Hawaii #Alaska pic.twitter.com/3BhfkszQjz
Во некои делови од регионот е пријавено цунами со висина до 4 метри, изјави регионалниот министер за вонредни ситуации Сергеј Лебедев.
Пацифичкиот центар за предупредување од цунами предупреди дека бранови високи од 1 до 3 метри над нивото на плимата и осеката може да се појават во некои крајбрежни области на Хаваи, Чиле, Јапонија и Соломонските Острови.
Додека во некои крајбрежни области на Русија и Еквадор може да се појават бранови повисоки од 3 метри.
WATCH: The first tsunami waves are now reaching the coast of Hokkaido, Japan, following the massive 8.8 earthquake near Russia’s Kamchatka Peninsula. #地震 #津波 #避難 #災害 #землетрясение pic.twitter.com/BJTah0YVm8
— Noteworthy News (@newsnoteworthy) July 30, 2025
Јапонската метеоролошка агенција издаде предупредување за цунами за брегот на Јапонија во Тихиот Океан и соопшти дека бранови високи до 3 метри би можеле да стигнат до брегот на северна Јапонија.
На почетокот на јули, пет силни земјотреси се случија во близина на Камчатка, од кои најсилниот имаше магнитуда од 7,4 степени.
Најголемиот земјотрес бил на длабочина од 20 километри и се случил на 144 километри источно од градот Петропавловск-Камчатски, кој има население од 180.000 жители.
Земјотрес со магнитуда од 9,0 степени во Камчатка на 4 ноември 1952 година предизвика бран од 9,1 метар на Хаваи, предизвикувајќи штета, но без жртви.
