Златан Ибрахимовиќ се врати во Милан и веднаш се фаќа за работа – ова се трите работи со кои тој ќе се занимава

Златан Ибрахимовиќ се врати во Милан каде ќе биде „оперативен партнер“ и „висок советник на сопствениците и менаџментот“. Иако досега реакцијата на навивачите е главно позитивна, има и такви на кои не им е јасен овој потег на клупското раководство.

Милан неодамна ја промени својата корпоративна структура, менаџерите, комерцијалната политика и целната публика. Тоа значи дека Златан Ибрахимовиќ пристигнува во вистински момент.

Дека „Росонерите“ се во своевидна политичка транзиција јасно покажа изјавата на тренерот Стефан Пиоли по победата против Њукасл во вторникот.

„Мораме да се натпреваруваме во Лига Европа со надеж дека можеме да го освоиме европскиот трофеј, иако е јасно дека е помалку вреден од Лигата на шампионите. Тоа е сепак трофејот што ни недостига“, изјави Стефан Пиоли.

Gazzetta dello Sport ги истакнува трите работи кои се потребни за да се балансира меѓу успешната сезона во Серија А и освојувањето на европскиот трофеј. Првата е ентузијазмот што недостасуваше во последниот период на лоши резултати и многу критики. Златан Ибрахимовиќ може да биде фактор за тоа. Секако, тој нема да биде само мотиватор, туку од него доаѓа и победничкиот менталитет што му е потребен на тимот во овој момент.

Вториот фактор се повредите кои оваа сезона го принудија италијанскиот стратег да подготвува натпревари со 13-14 играчи на располагање. Во таква ситуација, тешко е да се смета на некои големи достигнувања.

Третиот фактор што го разликува угледниот италијански весник е секако играта.

Милан исто така покажа дека има проблеми во Њукасл, во првото полувреме беше видно инфериорен во однос на интензитетот и физичката способност, речиси никогаш не успеа да го избегне притисокот и да најде игра да генерира фудбал од средината нагоре, пишуваат Италијанците.